Skilmálar

EKOhúsið verslun ehf (490920-0720)
Síðumúli 37
108 Reykjavík
VSK#: 140758
Sími: 7731111

EKOhúsið ehf áskilur sér rétt til að hætta við pantanir, t.d. vegna rangra verðupplýsinga eða hætta að bjóða upp á vörutegundir fyrirvaralaust. Áskilinn er réttur til að staðfesta pantanir símleiðis.

Afhending vöru 
Allar pantanir eru afgreiddar 1-2 virkum dögum eftir að pöntun er gerð. Sé varan ekki til á lager munum við hafa samband og tilkynna um áætlaðan afhendingartíma vörunnar.

Af öllum pöntunum dreift af Íslandspósti gilda afhendingar-, ábyrgðar og flutningsskilmálar Íslandspósts um afhendingu vörunnar. Allar pantanir eru sendar sem rekjanlegir pakkar.

Verð á vöru og sendingakostnaður 
Öll verð í vefverslun eru með inniföldum 11% eða 24% vsk en sendingakostnaður bætist síðan við áður en greiðsla fer fram. 

Þegar þú verslar hjá EKOhúsinu getur þú valið um að fá pöntunina senda á næsta pósthús/póstbox/Dropp afhendingarstað. Ef verslað er fyrir 20.000 kr eða meira eru vörurnar sendar að kostnaðarlausu á næsta pósthús/póstbox/Dropp afhendingarstað. Einnig hægt að velja að sækja í verslunina okkar að Síðumúla 37 á opnunartíma.

Að skipta og skila vöru 

Við bjóðum 14 daga skila- og endurgreiðslurétt frá kaupdegi gegn framvísun kvittunar sem sýnir hvenær varan var keypt og kaupverð hennar.

Til að hægt sé að skila eða skipta vöru þarf hún að vera ónotuð, í fullkomnu ástandi og í upprunalegum, óskemmdum umbúðum. Sé varan innsigluð má innsiglið ekki hafa verið rofið.

Við skil á vöru er miðað við upprunalegt kaupverð vörunnar, nema um útsöluvöru eða sértilboð sé að ræða. Þá er miðað við verð vörunnar á þeim degi sem henni er skilað.

Endurgreiðsla fer fram með sama greiðslumáta og notaður var við kaupin. Einnig er hægt að skipta vörunni í aðra vöru eða fá inneignarnótu. Inneignarnótur eru skráðar á viðskiptavin og tengdar netfangi hans og má nota bæði í netverslun og í verslun.

Flutnings- og póstburðargjöld eru ekki endurgreidd. Allur kostnaður vegna sendingar við skil eða skipti er á ábyrgð kaupanda.

Sérreglur um útsöluvörur

  • Útsöluvörur keyptar í verslun: Eingöngu er hægt að skipta í aðra vöru eða fá inneignarnótu. Endurgreiðsla er ekki í boði fyrir útsöluvörur sem keyptar eru í verslun.
  • Útsöluvörur keyptar í netverslun: Samkvæmt lögum um fjarsölusamninga hefur neytandi 14 daga skilafrest. Innan þess frests er hægt að skila vörunni og fá endurgreiðslu, að því gefnu að almenn skilyrði um skil séu uppfyllt.

Gölluð vara 
Sé vara gölluð er viðskiptavinum boðin ný vara í staðinn og greiðir EKOhúsið ehf allan sendingakostnað sem um ræðir, eða endurgreiðir ef þess er óskað. 

Gjafir
Ef þú hefur fengið gjöf frá EKOhúsinu þá er hægt að skila og skipta í aðra vöru eða fá inneignarnótu, ætlast er til að vara sé með skiptimiða, eða sannanir fyrir því að hún hafi verið keypt í EKOhúsinu. Varan þarf að vera ónotuð, í fullkomnu lagi og í sínum upprunalegu óskemmdu umbúðum þegar henni er skilað. Ef vara er innsigluð má ekki rjúfa innsiglið. Inneign miðast við verð vöru þann dag sem henni er skilað.

Trúnaður (Öryggisskilmálar)
Seljandi heitir kaupanda fullum trúnaði um allar upplýsingar sem hann gefur upp í tengslum við viðskiptin. Upplýsingar verða ekki undir neinum kringumstæðum afhentar þriðja aðila. Þú getur lesið meira um persónuverndarstefnu okkar hér

Lög og varnarþing
Skilmálar þessir eru í samræmi við íslensk lög og við leggjum áherslu á að leysa öll mál á sem einfaldastan hátt í samskiptum við okkar viðskiptavini. Ef ekki finnst ásættanleg lausn þá, sem síðasta úrræði, er hægt að fara með málið fyrir dómstóla í íslenskri lögsögu og lögsagnarumdæmi seljanda.